الاوكازيون فتح

يعنى احنا لسه بنحكى فى موضوع الدير علشان يوم التلات الساعه 8 بالليل يحصل ان واحد امين شرطه يقتل واحد مسيحى مهما كانت اسباب القتل اللى بيتقال ان حصلت ما بينهم خناقه مهما كاااااااااااااااااااااااااااااااان ما توصلش لحد القتل ولا ايه يمكن انا مجنون بس لو كل واحد اتخانق قتل اللى بيتخانق معاه يبقى هانام ونقوم ما نلاقيش حد فى البلد ولا هو ايه يعنى اقول دلوقتى علشان هو مسيحى فقتله وهو على يقين تامممم ان محدش هايحاسبه ولا ايه انا نفسى افهم ولا ايه ولو مش كده يبقى ايه السبب ويارب ما يطلع امين الشرطه مجنون هو التانى او بلطجى او مثلا امين الشرطه من الاقصر فالواد بتاع المنوفيه عاكس بنت عم اخت اللى جابه فى الاقصر يبقى سافر من المنوفيه للاقصر علشان يعاكس دى او يطلع بلطجى وادينا هانشوف الاسباب واوعوا تنسوا الاوكازيون فتح

اعتداء على رهبان عزل مش مسلحين

حصل اعتداء همجي على رهبان عزل ومش معاهم سلاح زى الفبركات الصحفيه او التلفزيونيه المصريه الخايبه جداااا واللى بقت كوميديا سخيفه جدا لابعد الحدود ومكشوفه للناس كلها لكن انا عايز اقول حاجه يعنى يوم ما البنت بتاعت الحجاب دى اتقتلت عملتوا اللى ما يتعملش وخربتوا الدنيا علشان واحده تافه اتقتلت وعملتوها شهيده لا وايه مش اى شهيده دى شهيدة الحجاب شهيدة ايشارب شهيدة حتة قماشه واحنا هنا استشهد على ارضنا 6 زهور ولا كلب فيكم فتح بقه ولا كئن حصل حاجه ايه يعنى 6 من الكفار اتقتلوا ما يغوروا ده اللى عمل كده بطل وابوه راجل امال ايه مش قتل 6 من الكفار وكمان ليلة عيد وده غير المصابين لا والابجح ان فى صحف تطلع تقول ان المسيحيين السبب ياحلاوه ياولاد يعنى كمان احنا السبب طبعا زى ما هجمنا على نفسنا قبل كده وضربنا نفسنا بالحجاره قبل كده واهى نكت بتتسمع لكن يبقى موضوع نجع حمادى جرحه لسه ما ضمش ولا عمره هايضم وانتوا تيجوا وتهجموا على رهبان عزل طيب حدثة نجع حمادى وقولتوا شوية همج وبلطجيه وفردى وجنائى وليس طائفى ماشى خلاص ولو صدقنا كلامكم ده اللى حصل من البوليس المصرى مع الرهبان فى الفيوم نسميه ايه برضو همج اى نعم لا نختلف انكم جهاز همجى مفيش مشاكل لكن المره دى ايه بقى بردو حدث فردى وبلطجى يعنى الشعب بلطجى والجهاز الحكومى بلطجى امتى بقى يبقى طائفى اموت واعرف فعلا نفسى اعرف امتى يكون الحادث طائفى اكيد لما مسيحى يقتل مسيحى مش كده ما هو زمن العجايب فعلا ولسه الباقيه تاتى

الجزء الثانى من الفيلم

وده الجزء التانى من الفيلم وياريته يجيب نتيجه مع ان النتايج ديما معروفه وهى التجاهل التاااااااام

فيلم كيف والى متى يامبارك

ده فيلم كيف والى متى يامبارك عمل الشباب القبطى وده الجزء الاول

ياترى ايه السبب

اه يامصر ماكنتيش كده كنا فى امان جواكى وفى حماكى كنا شباب مستعدين نفديكى برقبتنا لكن ايه السبب يامصر اللى خلى كتير من الشباب يغير الفكره دى ايه اللى خلى اهلك يعاشروا ويصاحبوا بعض على اساس الدين ماكنتيش بتفرقى زمان مسيحى على مسلم كله واحد ليه دلوقتى فيه كده اه يامصر ما كناش كده ليه يامصر كتير بقوا حبين موتك وخرابك مع انهم اولادك ايوه ولادك بس ايه السبب اللى خلاهم يفكروا كده ليه يامصر سيباهم يفكروا كده لميهم تحت علمك تانى وحببيهم تانى فيكى ليه الواحد بقى مستنى لغيره الغلطه علشان يقتلوا بعض كنت هاديه زمان يامصر كنتى جميله كنتى جنه كان فى ناس بتخاف عليكى وعايزه تحميكى ولو تضحى بحياتها لكن دلوقتى بقى عندهم بلاد تانى اولا ومصر ثانيا ازاى بلدهم تبقى ثانيا ايه السبب يامصر احمى ولادك يامصر ليه هما حاسين انهم غرب فى بلدهم ازاى يبقى عندى احساس الغربه وانا جوه بلدى واهلى ايه السبب يامصر خدى ولادك يامصر من تجار الدين واللى بقى عندنا كتير منهم هنا فى مصر كنا شعب شهم ليه دلوقتى نشوف المشكله ياما نهرب ياما نتفرج كنا شعب مشهورين بالكرم والشهامه والشجاعه ليه دلوقتى بقينا غير كده ايه السبب يامصر حتى يوم ما كان فيك معارضه كانت معارضه همها البلد مش الفلوس او انهم يحكموا مصر بالطريقه اللى هما عايزينه او بالدين اللى هما عايزينه ماكناش كده ايه اللى غيرنا ايه السبب يامصر ربنا يحميكى يامصر ويحفظ اراضيك ويجازى اعاديكى

يوتا ومحمد عمار وجهان لعمله واحده

طلع علينا شخصيه اسمها الاب يوتا والله واعلم هو ايه الاب يوتا ده لكن انا وكتير مننا ضد طريقه الاب يوتا فى طريقة رده على هرتالات ناس كتير زى محمد عماره او زغلول النجار وغيرهم كتير لكن الرد مش بالطريقه دى اولا كتاباته المستفزه التى لا تخلى من شتيمه او الفاظ وقيامه بتصوير فيلم حقير وصعب المشاهده بسبب وجود الكثير من مشاهد العنف الصعبه جدا لا انصح بمشاهده لانه صعب المشاهده فايا اب يوتا هذه ليست طريقتنا وهذه ليست حياتنا ولا مسيحيتنا لا تبث سم افكارك وافلامك من مخبائك وتحت اسمك المستعار لكى يتحمله شعب بالكامل البلد مش ناقصه سيبوها فى حالها عايزين نبنى مش نهد عايزين حب وايمان مش عايزين فتن ومشاكل وحروب مش عايزينك انت واللى زيك وزى محمد عماره وزغلول النجار ووجدى غنيم وغيرهم سيبوا البلد تفوق طلعوا الدين من حسباتكوا اطلعوا انتوا منها والمراكب هاتسير يعنى انا كمسيحى مش مطالب انى اعيش فى مشاكل وفتن علشان سياتك عملت فيلم زى ده لأ انا ولا غيرى سيبونا نعيش فى سلام ثانيا انت حد كلفك بان تجيب حق ربنا انت شايف ان ربنا مش هايقدر يثبت الحق جاى انت تثبت الحق ده بطريقتك دى كفااااااااااااااااااااااااااااااااايه

الصحفى النذل جمال جرجس المزاحم

الاسم ده وللاسف اسم صحفى المفروض انه مسيحى وطبعا البيه علشان يكسب ثقة البهوات اللى مشغلينه فكتب مقال فى اليوم السابع وهى جريده جديده بيقول ان هناك 7 صحف قبطيه بتقوم بزرع الفتنه الطائيفيه فى زى الكتيبه الطيبيه والطريق والمحبه والاقاليم الثلاثه والكنيسه ومارمرقص وبيقول انها السبب فى بعض الفتن ايضا يعنى كمان طلعنا احنا عاملين مشاكل مع الناس يعنى موضوع زى بتاع عين شمس يبقى احنا بقى اللى ضربنا نفسنا وهجمنا على نفسنا شفتوا النكته وكمان من جهله كتب اسم الجريده الكتيبه القبطيه يعنى مش اعمى قلب بس لأ وعين بس بصراحه قال ان هناك جريده واحده بس هى اللى بتعمل كده رضو بس تبع اخواتنا وهى اللواء الاسلامى خلاص كل جرايد مصر عماله تمدح فينا وماعدا الجريده اليتيمه اللى اسمها اللواء الاسلامى واحد زى ده نقول ايه عليه بالذمه اعمى عين وقلب قليله عليه معندوش دم برضو قليله عليه وفى كلام تانى عايز اقوله بس مش هاينفع علشان الذوق العام شكرااااا

ازمة كنيسه رشيد

اعلن المستشار محمد مصطفى كامل الترانلى بانه قام بتحديد موعد مع المحضرين لتسليمه الكنيسه والحوش بالقوه الجبريه طبقا لحكم حصل عليه ( حكم حصل عليه وهو مستشار يبقى لازم يحصل عليه ) وحذرته الكنيسه من ان يقوم بهذا الفعل لان سيكون له عواقب وخيمه لكن بقى اللى لفت نظرى انه قال حاجه مهمه قوى ان بحلول سنه 2010لن يكون هناك مسيحين فى رشيد دى بقى اللى نفسى افهمها باى حق بيقول الكلام ده وعلى اى اساس وكمان جريدة الفجر تنشر تقول نفس الكلام من على لسان البيه المستشار يعنى الكلام صح وانا ما سمعتش غلط نفسى افهم بقى هو قال الكلام ده ازاى ولا هو ناوى بعد ما ياخد الكنيسه يروح يطرد المسيحين اللى فى رشيد بالمره ما المره دى ياخد كنيسه المره الجايه يطرد المسيحيين اهو ماشيه ما دام واخد البركه من الحكومه النايمه وبعدين ده كله بيحصل وفين القياده السياسيه من ده كله فين وزاره العدل (ههههههه) العدل ايه خلاص بقينا فى المشمش خالص كده كل واحد عايز حاجه يعملها يعملها بس اهم حاجه قبل ما يعملها يكون واخد بركة الحكومه ومايكونش مسيحى بس الحمد الله احنا نبارك لمصر لحصولها على المركز 115 على مستوى الدول الاكثر شفافيه ههههههه 115 يعنى الحمد الله قربنا على ان نكون دوله فاسده طبعا فاسده بعد كل اللى بيحصل ومش هاتبقى فاسده يبقى ما عندناش دم لو قلنا غير كده

شكرا

اخبار المقاول واخوه

قررت محكمة جنايات المنيا أمس برئاسة المستشار محمود القاضي إخلاء سبيل المقاول القبطي رفعت فوزي وشقيقه إبراهيم فوزي بكفالة 3 الآف جنيه لكل منهما ومن المقرر الإفراج عنهم اليوم بعد إنهاء الإجراءات الأمنية حتى يتم تحديد جلسه للمحاكمة أو التصالح. صرح زكاري كمال محامي المقاول القبطي وشقيقه أن قرار إخلاء السبيل جاء بعد وقت متأخر دام شهور دفع خلالها المقاول وشقيقه ثمن للتوازنات السياسية وأضاف أنه من المقرر اليوم إنهاء إجراءات الإفراج لخروج الإثنين ولكنه يخشى من أي قرارارت أمنية مثل صدور قرار إعتقال لهما وتمنى عودة الإثنين لمنزلهما مشيراًَ أن موعد جلسة المحاكمة لم يتحدد بعد نظرا لعدم الإنتهاء من التحقيقات ومنها ما تعرض له الرهبان حيث تنتظر النيابه قرار الطب الشرعي لمدى معرفة إصابات الرهبان وهل تركت عاهة مستديمة ام لا؟ وفي الوقت نفسه يسعى الأمن إلى تأخير التحقيقات حتى يتسنى الوصول إلى الصلح بين الطرفين في محاولة لغلق ملف القضية ولكن الكنيسة ترفض إبتزاز العربان ومحاولة أشخاص التربح والإستفادة من وراء هذه المفاوضات التي توقفت الآن لأجل غير مسمى.

الحادثه الاولى بتاعت النهارده

تجددت الاشتباكات الطائفية مرة أخرى بقرية الطيبة بسمالوط المنيا، حيث قام مسلمي القرية بقذف منازل الأقباط بالطوب، وشنّت الشرطة حملات اعتقال على الجانبين بعد تفريق المتجمهرين بإطلاق القنابل المسيلة للدموع. تفجرت تلك الأحداث مساء أمس عقب قيام المسلمين بتشييع جنازة مسلم وأثناء مرورهم كان هناك صبيّان يدعيان "مينا إسحق" و"ناثان يعقوب" اللذان لم يبلغا من العمر السادسة عشر، راكبان على حمار مما أغضب المسلمين مشيعي الجنازة لعدم نزول الصبيّان من على الحمار طبقاً لعاداتهم وتقاليدهم أثناء تشييع الجنازات. فقام المسلمين بالاعتداء على الصبيان بالضرب ثم قاموا بترك نعش المتوفي على الأرض وبدءوا بحمل الطوب وقذف منازل الأقباط مما ألحق الضرر بأربع منازل بالتكسير والتدمير. على الفور تدخلت قوات الأمن التي كانت تقف بكمين على بُعد 50 متر من الموقع وأجبرت المشيعين على الاستمرار في جنازتهم وقام المسلمين بدفن الميت وأصروا على العودة من ذات الشارع واشتبكوا مع الشرطة ثم قاموا بالاستمرار في قذف منازل الأقباط مرة أخرى، فتدخلت الشرطة وقامت بإطلاق القنابل المسيلة للدموع لفض الاشتباكات. في الوقت نفسه لم يتقدم الأقباط بأي بلاغات ضد المسلمين بل ذهب المسلمين بتحرير محاضر ضد الأقباط بتهمة إصابة فتاة وطفلين، وهذا ما دفع قوات الشرطة لشن حملة اعتقالات على الأقباط وإلقاء القبض على 50 قبطي، واقتحمت بعض محلات الأقباط وقامت بنهبها وتدميرها ومنهم (محلات شحاتة كامل، وبولس ورفعت بشرى وسمير زكي).
كما اقتحمت مصنعين للمكرونة والحلوى، وقامت بالقبض على بعض العُمّال الأقباط العاملين بها بعد تدمير بعض الآلات بالمصنعين.
كما ألقت القبض على عضو المجلس المحلي لمدينة سمالوط القبطي سامي سعد، كذا القبض على خلف بخيت ابن عم يشوع جمال (الشاب الذي قُتل الشهر الماضي). وصرح القس داوود ناشد راعي كنيسة السيدة العذراء بالطيبة أن الشرطة تقوم بإجراءات تأمينية داخل القرية لسيطرة على الأمور وإحكام الموقف.
مشيراً أن ما حدث غير مقبول لأن الصبيّان لم يتعمدا جرح مشاعر المشيعين المسلمين لعدم علمهم بالعادات والتقاليد داخل القرية، وأن الأمر كان يجب ألا يُصعّد لحد استهداف منازل الأقباط الأبرياء وزيادة الاحتقانات.
مؤكداً أن ما يحدث الآن من جانب الشرطة يستهدف إجبار الأقباط على التصالح والتوقيع على محضر الصلح في مقتل القبطي يشوع جمال الذي لقيَّ مصرعه بطلق ناري الشهر الماضي، وأن قوات الأمن فرضت حصاراً على القرية، وتباشر النيابة التحقيقات برئاسة عمر بلبل مدير النيابة. وصرح بعض أقباط القرية أن ما حدث لهم من اعتداءات في ظل تواجد قوات الشرطة يؤكد أنهم لا يتمتعون بالحماية وأصبحوا عرضة للاعتداء عليهم أي أسباب واقعية يقبلها عقل!!!
وأن ما حدث من جانب الطفلين لا يُعد إهانة لأي مسلم بقدر ما هو جهل بالعادات والتقاليد.
وأضافوا أن قوات الأمن تقوم الآن بالعديد من التجاوزات ضدهم لإجبارهم على التصالح.
كما قامت قوات الأمن بفرض إتاوات على جميع السيارات داخل القرية بصفة يومية، وقامت بالقبض على العديد منهم دون أن يكون لهم أي علاقة بهذه الأحداث